Google ADS

Vulin: Kisha s’do ta caktojë politikën serbe ndaj Kosovës

17:08 | 24 Maj 2018
M. A.

Kisha Ortodokse Serbe (SPC) është një nga institucionet më të respektuara dhe rekomandimet e saj për Kosovën do të çmohen, por kjo s’do ta caktojë politikën shtetërore, deklaroi ministri serb i Mbrojtjes Aleksandar Vulin, transmeton Gazeta Express.

Ai për TV Pink tha se SPC meriton kujdes, respekt dhe falënderim për të gjitha që i ka bërë gjithmonë, porse Serbia është shtet sekular ku politikanët, të zgjedhur nga populli, i marrin vendimet.

“Kisha jep rekomandime të vetat dhe për këtë patjetër duhet folur me respekt. Se a do caktojë kjo politikën shtetërore dhe të vendosë se mundet vetëm kështu dhe kurrsesi ndryshe – e po jo!”, tha Vulin.

Sipas tij, presidenti serb Aleksandar Vuçiq ka besim të sinqertë dhe të madh për atë që e bën kisha, duhet të kuptohet se kisha ka qëndrimet e veta për çështjen e Kosovës, por kjo s’do të thotë se duhet patjetër vepruar siç thotë ajo.

 

Shpërndaje në rrjete sociale

Lajmet më të lexuara

Të ngjashme

Foto lajm